- Oftalmologjia pediatrike
Ekzaminime dhe trajtime për sytë e fëmijëve
Kontrolle dhe trajtime oftalmologjike për fëmijët, me fokus në zbulimin e hershëm të problemeve të shikimit dhe zhvillimin e shëndetshëm të syve.
- Oftalmologjia pediatrike
Ekzaminime dhe trajtime për sytë e fëmijëve
Kontrolle dhe trajtime oftalmologjike për fëmijët, me fokus në zbulimin e hershëm të problemeve të shikimit dhe zhvillimin e shëndetshëm të syve.
- Oftalmologjia pediatrike
Kujdesi i specializuar për shikimin që në fëmijëri
Nga përcaktimi i dioptrisë deri te trajtimi i preambliopisë dhe strabizmit, vlerësojmë shëndetin e syve dhe nevojat e shikimit të secilit fëmijë.
Skiaskopia
Ekzaminim që ndihmon në përcaktimin e dioptrisë së fëmijëve, veçanërisht kur nevojitet vlerësim objektiv i shikimit.
Skiaskopia është një metodë ekzaminimi që përdoret për të vlerësuar gabimet e refraksionit, si miopia, hipermetropia dhe astigmatizmi. Përmes reflektimit të dritës në sy, oftalmologu mund të përcaktojë dioptrinë dhe të vlerësojë nevojën për korrigjim optik. Te fëmijët, ky ekzaminim shpesh kryhet pas përdorimit të pikave që relaksojnë fokusimin e syrit, për të arritur matje më të sakta kur është e nevojshme.
Percaktimi i dioptrisë
Vlerësimi i dioptrisë për identifikimin e problemeve të refraksionit dhe përcaktimin e nevojës për syza.
Përcaktimi i dioptrisë ndihmon në zbulimin e problemeve që mund të ndikojnë në qartësinë e shikimit te fëmijët. Gjatë ekzaminimit, oftalmologu vlerëson mënyrën se si syri fokuson dritën dhe përcakton nëse nevojitet korrigjim me syze. Zbulimi dhe korrigjimi me kohë i gabimeve të refraksionit është veçanërisht i rëndësishëm gjatë zhvillimit të shikimit.
Trajtimi i preambliopisë
Trajtimi i shikimit të dobësuar në njërin ose të dy sytë, me synim mbështetjen e zhvillimit normal të shikimit.
Ambliopia, e njohur edhe si “syri dembel”, është një gjendje në të cilën shikimi nuk zhvillohet normalisht gjatë fëmijërisë, edhe nëse syri nuk ka domosdoshmërisht dëmtime të dukshme. Trajtimi varet nga shkaku dhe mund të përfshijë korrigjimin e dioptrisë me syze dhe, kur rekomandohet nga oftalmologu, mbulimin e përkohshëm të syrit më të fortë ose metoda të tjera terapeutike. Zbulimi i hershëm dhe ndjekja e rregullt janë të rëndësishme për rezultatet e trajtimit.
Trajtimi i strabizmit (devijimit të syrit)
Vlerësimi dhe trajtimi i devijimit të syve për të përmirësuar harmonizimin e tyre dhe zhvillimin e shikimit.
Strabizmi është një gjendje në të cilën sytë nuk drejtohen në të njëjtin drejtim. Te fëmijët, ai mund të ndikojë në zhvillimin e shikimit dhe në aftësinë e të dy syve për të punuar së bashku. Trajtimi përcaktohet sipas llojit dhe shkallës së devijimit dhe mund të përfshijë syze, trajtim të ambliopisë ose ndërhyrje të tjera të përshtatshme. Kontrollet e rregullta ndihmojnë në përcjelljen e zhvillimit të shikimit dhe të përgjigjes ndaj trajtimit.
Funduskopi
Ekzaminimi i pjesës së pasme të syrit për vlerësimin e retinës dhe nervit optik te fëmijët.
Fundoskopia është një ekzaminim që mundëson vlerësimin e strukturave të brendshme në pjesën e pasme të syrit, përfshirë retinën, enët e gjakut dhe nervin optik. Te fëmijët, ajo mund të ndihmojë në identifikimin e ndryshimeve që kërkojnë vlerësim ose ndjekje të mëtejshme. Sipas moshës së fëmijës dhe qëllimit të ekzaminimit, oftalmologu mund të përdorë pika për zgjerimin e bebëzës për të parë më mirë strukturat e syrit.
Jeni të interesuar në shërbimet tona? Na kontaktoni tani!
Na kontaktoni për më shumë informacione rreth shërbimeve tona ose për të caktuar një termin te Ordinanca Vizioni.
Oftalmologjia pediatrike
- Të gjitha të drejtat e rezervuara Ordinanca Vizioni
- Web design Primeframe